Menu

জীৱনশৈলী সমীক্ষাৰ তথ্যই ভবাই তুলিব আপোনাকো

সময়ৰ লগে লগে জীৱন-যাপনৰ শৈলীও সলনি হয় মানুহৰ৷ সাংস্কৃতিক পৰিৱৰ্তন, নিত্যনতুন প্ৰযুক্তিনিৰ্ভৰ আহিলা আৰু ব্যস্ততাৰ ভিন্ন ৰূপ। এই সকলোবোৰে প্ৰভাৱ পেলায় জীৱনশৈলীত। আমাৰ দিনলিপিত, সম্পৰ্কবোৰত, সোৱাদত, পছন্দ-অপছন্দত, মানসিকতাত, চেতন-অৱচেতন মনত বা সিদ্ধান্ত গ্ৰহণত ক’ত নপৰে এই প্ৰভাৱ..

অসমৰ প্ৰেক্ষাপটত এই বছৰৰ জুলাই মাহজুৰি চলোৱা হৈছিল এই ‘জীৱনশৈলী সমীক্ষা ২০১৭’

ছেম্পল ছাইজ৭১৭৮

বয়স৩৫ বছৰলৈ ৭৮%, ৩৫ ঊৰ্ধ্বৰ ২২%

স্থান৩২% মহানগৰ, ৬৮% সৰু চহৰ আৰু গাঁও

জেণ্ডাৰ৪২% মহিলা, ৫৭.% পুৰুষ, .% থাৰ্ড জেণ্ডাৰ

শিক্ষা১১% দ্বাদশ শ্ৰেণীলৈ, ৪৬% স্নাতক, ৪৩% স্নাতকোত্তৰ বা উচ্চ

প্ৰথমে চাওঁ আহক, সমীক্ষাত অংশগ্ৰহণকাৰীসকলৰ ছ’চিয়েল মিডিয়া ব্যৱহাৰ সম্পৰ্কে৷ দৈনিক গড়ে ৫ ঘণ্টালৈ ছ’চিয়েল মিডিয়াত কটায় ২৯%ই। ৪%ই কটায় দিনটোত ৮ ঘণ্টালৈকে৷ আনকি ৬%ই ছ’চিয়েল মিডিয়াত কটায় এদিনত ৮ ঘণ্টাতকৈও বেছি সময়।

৫০.২%ই এদিনো থাকিব নোৱাৰে ইন্টাৰনেট সংযোগ নথকাকৈ।

৭১%ৰ জীৱনত ছ’চিয়েল মিডিয়াৰ প্ৰভাৱ ভাল। মাত্র ৬%ইহে বেয়া প্ৰভাৱ পৰিছে বুলি কয়। ২৩% এতিয়াও অনিশ্চিত তেওঁলোকৰ জীৱনত পৰা ছ’চিয়েল মিডিয়াৰ প্ৰভাৱৰ ভাল-বেয়া সম্পৰ্কে।

ইণ্টাৰনেটে জনজীৱন আৰু জীৱনশৈলীক কিদৰে প্ৰভাৱিত কৰিছে তাৰ স্পষ্ট ধাৰণা কৰিব পাৰি এই কথাৰে… কিবা তথ্য বা শব্দৰ অৰ্থ জানিবলৈ ৮৩%ই ছাৰ্চ ইঞ্জিনত সন্ধান কৰে। মাত্ৰ ৫%ইহে কেতিয়াবা পুথিভঁড়াললৈ যায়।

কি আচৰিত যে, য’ত নেকি ৯%ৰ ফেচবুকত ৫০০০ লৈকে বন্ধু আছে, ১৯%ৰ আছে ৩০০০ লৈকে আৰু ৬৪%ৰ ১০০০ লৈকে, বাস্তৱ জীৱনত তেওঁলোকে প্ৰয়োজন সাপেক্ষে কেইজন বন্ধুৰ সঁহাৰি পাব বুলি ভাবে জানেনে?

৩৪%ৰ মতে বৰ বেছি ৫ জন পাব আৰু ৪০%ৰ মতে বৰ বেছি ১০ জন। ১৩%ৰ মতে এজনৰো নাপায়৷

আধুনিক জীৱনশৈলীত ছ’চিয়েল মেডিয়াৰ হাজাৰ হাজাৰ বন্ধুৰ পৃথিৱীত মানুহে নিসংগতা অনুভৱ কৰে নেকি? ৫২%ই কৰে।৬২% মহিলাই অনুভৱ কৰে নিসংগতা।

৩৫ বছৰৰ তলৰ যুৱক-যুৱতী ৭৩%ই নিসংগতা অনুভৱ কৰে।

মানসিক চিকিৎসকক লগ কৰিব মন যায় নেকি? ৩৮%ই ৰাজহুৱাকৈ স্বীকাৰ কৰিলে, হয়। মহানগৰৰ বাসিন্দা ৫১%ই। মহিলাসকলৰ ৫৪%ৰ মন যায় মানসিক চিকিৎসকক লগ কৰিবলৈ।

৩৫ বছৰ তলৰ ৭২%ৰ কেতিয়াবা মানসিক চিকিৎসকক লগ কৰিবলৈ মন বুলি মুকলিকৈ প্ৰকাশ কৰিলে।

প্ৰযুক্তিনিৰ্ভৰ আজিৰ যুগত অসমত বিভিন্ন বয়স আৰু গাঁও, চহৰ মিলাই ৩৮% লোকে ৰাতি ১২টাৰ পাছলৈকে (৩%ই পুৱা ৪টালৈকে) সাৰে থাকে।

চিন্তনীয় বিষয়টো হ’ল যে স্বাস্থ্যৰ বাবে হানিকাৰক বুলি জানিও তেনে দ্ৰব্য সেৱন কৰে ৩৩%ই। এই সংখ্যা মহানগৰৰ বাসিন্দাৰ ক্ষেত্রত ৪০%। আনকি সমীক্ষাত অংশগ্ৰহণকাৰী ২১% মহিলাই তেনে দ্ৰব্য সেৱন কৰা বুলি প্ৰকাশ কৰিলে।

হানিকাৰক দ্ৰব্য সেৱন কৰা বুলি স্বীকাৰ কৰিলে ৩৫ বছৰতকৈ কম বয়সৰ ৬২%ই

সময়ৰ লগে লগে আধ্যাত্মিক বা ধৰ্মীয় বিষয়ত মানুহৰ অংশগ্ৰহণ কমিছে নে বাঢ়িছে এই বিষয়েও অনুমান কৰিব পৰি এই সমীক্ষাৰ ফলাফলৰ যোগেদি। ১২%ই কেতিয়াও উপাসনাস্হলীলৈ যোৱা নাই। ৬৭%ই কেতিয়াবা যায়।

বিশ্বজুৰি যোগাসন জনপ্ৰিয় হোৱাৰ সময়ত অসমত ২৬%ই কাহানিও যোগাসন কৰি পোৱা নাই। ১২% লোকেহে নিয়মীয়াকৈ যোগাসন কৰে

ভালপোৱাৰ সম্পৰ্ক আৰু কেৰিয়াৰৰ মাজত কিদৰে সামঞ্জস্য বা সন্তুলন ৰাখি চলে? তেনে সম্পৰ্ক আৰু কেৰিয়াৰৰ মাজত বাছিবলৈ দিলে মাত্ৰ ২৫%ই বাছিব ভালপোৱাৰ সম্পৰ্কক।

শিক্ষাৰ্থী আৰু নিবনুৱাসকলে জীৱিকাৰ বাবে কি কৰিম বুলি আশা কৰিছে? ৩৬%ই বিচাৰে স্বনিয়োজন। ৫৫%ক লাগে যিকোনো চাকৰি।

সমীক্ষাৰ শেষৰটো অনুসন্ধান আছিল আমি নিজৰ সপোনৰ জীৱন গঢ়াৰ দিশত আগবাঢ়িছোঁ নে বাধ্য হৈ কিবা এটা কৰি আছোঁ? ৪৫%ই আগবঢ়া নাই নিজৰ সপোনৰ জীৱন গঢ়াৰ দিশত।

Comments

লাহে লাহে তেওঁৰ প্ৰতি মোৰ আকৰ্ষণ বাঢ়ি আহিছিল

উচ্চতৰ মাধ্যমিকত নামভৰ্তি হোৱাৰ পাছত মই নজনাকৈয়ে পঢ়াৰ ধাউতি বাঢ়ি গৈছিল।…

আমাৰ নিঠৰ দেহ বিচাৰি নাপালেহেঁতেন

আন দহজনে নকৰা কিছু কাম কৰাৰ মন সৰুৰে পৰা আছিল যদিও সময়, সুবিধা…

সেই দিনটোৰ পৰা বিহু সন্মিলনলৈ যোৱা নাই

১৯৬৬ চনৰ কথা ৷ সেই সময়ত ড: ভূপেন হাজৰিকাৰ নাম চাৰিওফালে ৰজনজনাই আছিল…