Menu

প্ৰথম চিনেমাৰে ৯জন পৰিচালকে সলাইছে অসমীয়া চিনেমাৰ ৰেহ-ৰূপ

নগৰাকী নতুন পৰিচালক৷ নখন চিনেমা৷ ব্যতিক্ৰমী আৰু মনোগ্ৰাহী চিন্তন৷ প্ৰতিকূলতাৰ মাজতো যি অসমৰ চিনেমা জগতলৈ আনিছে উজ্জ্বল সম্ভাৱনাৰ বতৰা৷ পৰিচালকৰ প্ৰথম খোজ হিচাপে চিনেমাকেইখন কেৱল সংবাদ মাধ্যমৰ বাতৰিয়ে হোৱা নাই, ব্যতিক্ৰমী চিনেমা চাবলৈ উদ্বুদ্ধ কৰিছে নতুনচাম দৰ্শকক৷ অসমীয়া চিনেমাত নতুন বাটৰ স্ৰষ্টা এই নগৰাকী পৰিচালকৰ সৈতেজীৱনৰ আছুতীয়া সাক্ষাৎকাৰ৷ 

 

ঝুলন কৃষ্ণ মহন্ত : নদী মাথোঁ বয়

নদী মাথোঁ বয়’ -এয়া পৰিচালক ঝুলন কৃষ্ণ মহন্তৰ প্ৰথম পূৰ্ণ দৈৰ্ঘ্যৰ চিনেমা৷ ব্ৰহ্মপুত্ৰ নদীৰে যাত্ৰা কৰা কেইগৰাকীমান ব্যক্তিয়ে যাত্ৰাপথত সন্মুখীন হোৱা বিভিন্ন ঘটনাক্ৰমেৰে নিৰ্মিত হৈছে এই চিনেমাখনৰ চিত্ৰনাট্য৷ প্ৰথমখন চিনেমাৰেই সমালোচকৰ দৃষ্টি আকৰ্ষণ কৰা পৰিচালকে চিনেমাখনত আবদ্ধ কৰিছে বিশাল ব্ৰহ্মপুত্ৰৰ মোহনীয় সৌন্দৰ্যক৷ অসমৰ লগতে  ইতিমধ্যে অষ্ট্ৰেলিয়া, নতুন দিল্লী, ইম্ফল আদিতো চিনেমাখনৰ প্ৰদৰ্শন হৈছে৷

আপুনি কিয় আৰু কেনেকৈ চিনেমা নিৰ্মাণৰ ক্ষেত্ৰলৈ আহিল? এয়াই আপোনাৰ কেৰিয়াৰনে?

মই মূলত: সংগীতৰ লগত জড়িত ব্যক্তি আছিলোঁ৷ বি বৰুৱা কলেজত অধ্যয়ন কৰোঁতে অভিনয়ৰ লগতো জড়িত হৈছিলোঁ৷ সেই সময়তে গুৱাহাটীত প্ৰদৰ্শিত যশস্বী পৰিচালকৰ বহুকেইখন আন্ত:ৰাষ্ট্ৰীয় পৰ্যায়ৰ চিনেমা চোৱাৰ সুযোগ পাইছিলোঁ৷ কুৰুশ্ব’ৱা, ফেলিনি আদি পৰিচালকৰ চিনেমা চাই মই মাধ্যমটোৰ প্ৰতি বাৰুকৈয়ে আকৃষ্ট হ’লোঁ৷ চিনেমা মাধ্যমটোৰ প্ৰতি জন্মা এই আগ্ৰহৰ বাবেই জ্যোতি চিত্ৰবনত চিনেমা সম্পাদনাৰ পাঠ্যক্ৰম শিকিলোঁ আৰু সম্পূৰ্ণৰূপে এই মাধ্যমটোত সোমাই পৰিলোঁ৷

আপুনি এই বিষয়ত কিয় আৰু কেনেকৈ চিনেমাখন নিৰ্মাণ কৰিলে?

এবাৰ গুৱাহাটী চিনে ক্লাবে নদী বিষয়ক চিনেমা কিছুমান দেখুৱাইছিল৷ সেই চিনেমাবোৰ চাই মই ভাবিলোঁ ব্ৰহ্মপুত্ৰক লৈ কিবা এটা কৰাৰ কথা৷ উমানন্দৰ পৰা জাহাজেৰে মাজুলীলৈ ভ্ৰমণ কৰাটো মোৰ এটা বহুদিনীয়া সপোন আছিল৷ নদী বিষয়ক চিনেমা কৰাৰ কথা মনলৈ আহোঁতেই আমাৰ এই যাত্ৰাটোক তথ্যচিত্ৰৰূপে চিত্ৰগ্ৰহণ কৰাৰ পৰিকল্পনা কৰিলোঁ৷ এই পৰিকল্পনাই এদিন চিনেমাৰ ৰূপ পালে৷

পুঁজি কেনেকৈ গোটালে? কিমান টকাৰ বাজেট আছিল?

চিনেমাখনৰ বাবে প্ৰায় ১২ লাখ টকা খৰছ হৈছিল আৰু এই সমগ্ৰ খৰচ মোৰ মাই মোক গোটাই দিছিল৷

খৰচ হোৱা ধন কেনেকৈ ওভোতাই আনিব?

চিনেমাখনত খৰচ হোৱা ধন ওভোতাই অনাৰ বাবে চিনেমাখন অসমৰ বিভিন্ন চিত্ৰগৃহত মুক্তি দিয়াৰ উপৰি গাৱেঁ গাৱেঁ প্ৰৰ্দশনী পতাৰ পৰিকল্পনা কৰিছোঁ৷

আপোনাৰ পৰৱৰ্তী চিনেমাখনৰ বিষয়ে ক’ব নেকি? এইখনৰ বাবে বাজেট কেনেকৈ গোটাব?

মোৰ হাতত এতিয়া দুখন চিনেমাৰ বাবে কাহিনী সাজু হৈ আছে৷ আশা কৰিছোঁ প্ৰযোজক পালে দুবছৰৰ ভিতৰতে পৰৱৰ্তী চিনেমাখনৰ কাম শেষ কৰিম৷

এই কামবোৰ অকলে কৰি আছে নে গোট হিচাপে কৰি আছে?

কামবোৰ নিশ্চিতভাৱে দলীয় ভিত্তিত কৰি আছোঁ৷ মোৰ বন্ধুসকলে চিনেমাখন নিৰ্মাণত বিভিন্ন প্ৰকাৰে সহায় কৰিছে৷ চিত্ৰগ্ৰহণকাৰী পাপু ডেকা, সংগীত পৰিচালক সৌৰভ মহন্ত মোৰ বন্ধু৷ আটায়ে নিজৰ চিনেমা হিচাপেই কাম কৰিছোঁ৷

চিনেমাখন বিতৰণ কেনেকৈ কৰিব?

চিনেমাগৃহত মুক্তি দিয়াৰ চিন্তা কৰিছোঁ৷

আপোনাৰ অন্যান্য পেচা?

বৰ্তমান চিনেমা নিৰ্মাণ কৰাই মোৰ পেচা৷

আপুনি শেষবাৰৰ বাবে কোনখন অসমীয়া চিনেমা চিত্ৰগৃহত গৈ চাইছিল?

শেহতীয়াকৈ ‘অন্তৰীণ’ নামৰ চিনেমাখন চালোঁ৷

অসমীয়া চিনেমা চিত্ৰগৃহত নচলাৰ কাৰণ আপোনাৰ মতে কি?

অসমত বিভিন্ন কাৰকৰ বাবে চিনেমাগৃহৰ পৰা দৰ্শক আতৰি আহিছে৷ এয়া অকল অসমৰে সমস্যা নহয়, এয়া বিশ্বজনীন সমস্যা৷ আজিকালি মানুহে ম’বাইল, টেবলেটত চিনেমা চাবলৈ লৈছে৷ সেয়েহে আমিও বিতৰণৰ মাধ্যম সলনি কৰাৰ সময় আহি পৰিছে৷

Jhulan Krishna Mahanta

ঝুলন কৃষ্ণ মহন্ত

Comments

লাহে লাহে তেওঁৰ প্ৰতি মোৰ আকৰ্ষণ বাঢ়ি আহিছিল

উচ্চতৰ মাধ্যমিকত নামভৰ্তি হোৱাৰ পাছত মই নজনাকৈয়ে পঢ়াৰ ধাউতি বাঢ়ি গৈছিল।…

আমাৰ নিঠৰ দেহ বিচাৰি নাপালেহেঁতেন

আন দহজনে নকৰা কিছু কাম কৰাৰ মন সৰুৰে পৰা আছিল যদিও সময়, সুবিধা…

সেই দিনটোৰ পৰা বিহু সন্মিলনলৈ যোৱা নাই

১৯৬৬ চনৰ কথা ৷ সেই সময়ত ড: ভূপেন হাজৰিকাৰ নাম চাৰিওফালে ৰজনজনাই আছিল…