Menu

মহাদেৱ ডেকা মিষ্টাৰ ইউনিভাৰ্ছ হোৱাৰ কাহিনী নিজৰ ভাষ্যত

সেই সময়ত মই অভিযান্ত্ৰিক শিক্ষা শেষ কৰি ঘৰতে আছিলোঁ৷ চাকৰি-বাকৰি একো পোৱা নাই৷ সেয়া ১৯৮৯ চনৰ কথা৷ তাৰ আগেয়ে কোনোদিনে বডী বিল্ডিঙৰ প্ৰতি মই আকৰ্ষিত নাছিলোঁ৷ অসম অভিযান্ত্ৰিক মহাবিদ্যালয়ত পঢ়ি থকাৰ সময়তো ফুটবল বা অন্য খেলৰ লগত জড়িত আছিলোঁ যদিও বডী বিল্ডিং কৰা নাছিলোঁ৷ কিন্তু বহুতে মোৰ আটিল চেহেৰাটো দেখি বডী বিল্ডিং কৰাৰ বাবে উপদেশ দিছিল৷ এই এনেই থকা দিনবোৰতে নিজক ব্যস্ত কৰি ৰখাৰ বাবে মই জীমলৈ যোৱা আৰম্ভ কৰিলোঁ৷ আৰম্ভ কৰাৰ কেইবছৰমানৰ ভিতৰতে মই ‘মিষ্টাৰ গুৱাহাটী’ খিতাপ লাভ কৰিলোঁ৷ সেয়া ১৯৯২-ৰ ঘটনা৷ এই খিতাপটোৱেই মোক এই ক্ষেত্ৰখনক নিচাৰ পৰা পেছালৈ পৰিৱৰ্তন কৰাৰ বাবে অনুপ্ৰাণিত কৰিলে৷ তেতিয়াই মই জনস্বাস্থ্য কাৰিকৰী বিভাগৰ চাকৰিও পাওঁ৷ অৱশ্যে সমানে সমানে বডী বিল্ডিংও মোৰ পেছা হৈ পৰিল৷ মিষ্টাৰ গুৱাহাটী খিতাপ লাভ কৰাৰ কেইটামান বছৰৰ পাছত মই ‘মিষ্টাৰ নৰ্থ-ইষ্ট’ খিতাপ লাভ কৰোঁ৷ এই খিতাপ মই একেৰাহে তিনিবাৰৰ বাবে লাভ কৰিছিলোঁ৷ এই সফলতাবোৰে দিয়া সাহসক মূলধন কৰি আগুৱাই গৈয়েই ২০০৯-ত মোৰ হাতলৈ আহিল ‘মিষ্টাৰ ইউনিৰ্ভাছ’ৰ খিতাপ৷ কোনোদিন নভবাকৈয়ে মই এই বিশ্বখিতাপ লাভ কৰি ৰাজ্যবাসীক গৌৰবান্বিত কৰিব পাই নিজেই ধন্য হৈছিলোঁ৷ সি যি কি নহওক, বৰ্তমান মই অসমৰ আগ্ৰহী যুৱচামক এই ক্ষেত্ৰখনত আগুৱাই নিয়াৰ বাবে চেষ্টা কৰি আছোঁ৷ ইয়াৰ বাবে ২০০৪-ত মহানগৰীৰ শিলপুখুৰীত শৰীৰ-চৰ্চা কেন্দ্ৰ এটাও স্থাপন কৰোঁ৷

Comments

লাহে লাহে তেওঁৰ প্ৰতি মোৰ আকৰ্ষণ বাঢ়ি আহিছিল

উচ্চতৰ মাধ্যমিকত নামভৰ্তি হোৱাৰ পাছত মই নজনাকৈয়ে পঢ়াৰ ধাউতি বাঢ়ি গৈছিল।…

আমাৰ নিঠৰ দেহ বিচাৰি নাপালেহেঁতেন

আন দহজনে নকৰা কিছু কাম কৰাৰ মন সৰুৰে পৰা আছিল যদিও সময়, সুবিধা…

সেই দিনটোৰ পৰা বিহু সন্মিলনলৈ যোৱা নাই

১৯৬৬ চনৰ কথা ৷ সেই সময়ত ড: ভূপেন হাজৰিকাৰ নাম চাৰিওফালে ৰজনজনাই আছিল…