Menu

যিসকলে ‘অসীমত যাৰ হেৰাল সীমা’ পঢ়িছে, কেৱল তেওঁলোকৰ বাবে ১০টা প্ৰশ্ন

asimot-jar-heral-sima-kanchan-baruah

অসমৰ সৰ্বকালৰ অন্যতম জনপ্ৰিয় উপন্যাস ‘অসীমত যাৰ হেৰাল সীমা’৷ কাঞ্চন বৰুৱাৰ এই সৃষ্টিৰ এবাৰ যি সোৱাদ লৈছে, তেওঁ চাগৈ কাহানিও নাপাহৰে ইয়াৰ চৰিত্ৰসমূহ আৰু ঘটনাৱলীৰ বিৱৰণ ৷ চাওঁচোন কাৰ কিমান মনত আছে..

১৷ উপন্যাসত থকা পাঁচ বন্ধুৱে কিমান বছৰ আগৰ পটভূমিলৈ পাঠকক লৈ যায়?

২৷ সেই পাঁচ বন্ধুৰ চাৰিজন আছিল –ডাক্তৰ, কবি, দুগৰাকী কেৰাণী৷ পঞ্চমগৰাকীৰ বৃত্তি কি আছিল?

৩৷ উপন্যাসখনৰ পটভূমিত থকা মুল নৈখৰ নাম কি আছিল?

৪৷ শ শ বছৰ আগেয়ে সেই নৈখনক কি নামেৰে জনা গৈছিল?

৫৷ উপন্যাসখনৰ দুই মূল চৰিত্ৰ চম্পা আৰু চন্দনৰ সম্বন্ধ কি?

৬৷ উপন্যাসখনৰ মূল চৰিত্ৰই শত্ৰুপক্ষ লুকাই থকা ঘৰটোৰ পৰা গৌৰীক উদ্ধাৰ কৰি তাত অগ্নিসংযোগ কৰিছিল৷ এই ঘৰটোৰ নাম কি আছিল?

৭৷ উপন্যাসখনত কেইটা অধ্যায় আছে?

৮৷ ‘… নাও এৰি দিলোঁ৷ নেজানো দিহিঙৰ বুকুত নে কাঞ্চনমতীৰ প্ৰথম সোঁতত৷ শেষবাৰলৈ ঘূৰি চালোঁ ওচৰৰ আঁহতজোপালৈ৷ চকুত পৰিল তাৰ গুৰিৰ নিমজ পিঠিত কবিবৰে কটাৰীৰে লিখি অহা কেঁচা আখৰকেইটা: —————-’৷ আখৰকেইটা কি?

৯৷ ‘অসীমত যাৰ হেৰাল সীমা’ৰ ঔপন্যাসিকৰ প্ৰকৃত নামটো কি?

১০৷ ‘… গোটেই নগৰখনৰ মাজত এনে এটা ঘৰ নাছিল যিটোৱে নগৰখনৰ সমৃদ্ধিৰ উজ্জ্বলতাক অলপো ম্লান কৰিব পাৰে৷ প্ৰতিটো ঘৰ, প্ৰতিটো আলি আনকি প্ৰতিজোপা গছো আছিল নিমজ, চিকুণ৷ এই সুন্দৰ ছবিৰ নিচিনা নগৰত এনে এখন মুখো দেখা নগৈছিল যাৰ অন্তৰত এধান মানো বিষাদৰ ছাঁ আছে বুলি কোনোবাই ক’ব পাৰে…৷’ এয়া কোনখন নগৰৰ বৰ্ণনা?

 

উত্তৰ :

১৷ ১৩০০ বছৰ

২৷ প্ৰফেছৰ

৩৷ দিহিং

৪৷ কাঞ্চনমতী

৫৷ চন্দনৰ মাকৰ সখীয়েক দেৱযানীৰ জীয়েক আছিল চম্পা, চন্দনৰ কৈশোৰৰ সংগী

৬৷ ৰঙাটিলা

৭৷ ২২টা

৮৷ অসীমত যাৰ হেৰাল সীমা

৯৷ ভূৱন মোহন বৰুৱা

১০৷ কমল নগৰ

Comments

JEEVAN KITE & RIVER FESTIVAL

CLICK for registration

BRAHMAPUTRA CAMPAIGN

JOIN US!

আপুনিও লিখক

‘জীৱন' আলোচনীৰ বিষয়বস্তুৰ লগত খাপ খোৱা ধৰণৰ লেখা ইউনিকোডত লিখি মে’ল কৰক : editor@jeevanmagazine.com, CC কৰিব jeevan.initiative@gmail.com-লৈ