Menu

আপোনাৰ জীৱনৰ অন্যতম ব্যাধি খঙক নিয়ন্ত্ৰণ কৰাৰ উপায়

খাদ্য আৰু খঙৰ সম্পৰ্ক

আপোনাৰ মনৰ ভাবৰ বহি:প্ৰকাশক বিভিন্ন প্ৰকাৰে প্ৰভাৱান্বিত কৰে আপোনাৰ খাদ্যভ্যাসে৷ আপুনি দিনটোৰ আৰম্ভণিতে কি খাদ্য গ্ৰহণ কৰিলে, তাৰ ওপৰত নিৰ্ভৰ কৰে আপোনাৰ মুড৷ মানসিক বিশেষজ্ঞৰ মতে, পুৱা আমিষ আৰু বেছি তেলযুক্ত আহাৰ গ্ৰহণে দিনটোলৈ মনটোক অশান্ত কৰি ৰাখে৷ সেয়েহে দিনটোলৈ খঙক দুৰত ৰখাৰ বাবে নিৰামিষ আহাৰেৰে দিনটো আৰম্ভ কৰাই শ্ৰেয়৷

পৰিপূৰ্ণ নিদ্ৰা খং দমাই ৰখাৰ অন্যতম চাবি-কাঠী

এজন সুস্থ মানুহৰ বাবে এদিনত ৬-৮ ঘণ্টা সময় নিদ্ৰাৰ প্ৰয়োজন৷ যদি এই মাত্ৰাৰ তাৰতম্য হয়, তেন্তে সি খং উদগীৰণ হোৱাত বহু পৰিমাণে অৰিহণা যোগায়৷ আপুনি মন কৰিব যিদিনাই আপুনি নিশা টোপনি ক্ষতি কৰে, তাৰ পিছদিনাই আপোনাৰ সমগ্ৰ দিনটো পাৰ হ’ব খং আৰু অশান্তিৰ ভাবেৰে৷

যোগ সাধনাৰে মহাব্যাধি খঙক দূৰতে বিদূৰ কৰক

ব্যস্ততাপূৰ্ণ জীৱনৰ পৰা খঙক আঁতৰাই ৰখাৰ বাবে নিয়মিত যোগাভ্যাসৰ অনুশীলন কৰক৷ বিভিন্ন ধৰণৰ আসনৰ অনুশীলনে আপোনাৰ মনৰ পৰা খঙক নিলগাই ৰাখিব আৰু আপোনাৰ জীৱন হৈ পৰিব মসৃণ৷

মনক পাৰ্যমানে শান্ত কৰি ৰাখক

খঙৰ অন্য এটা নামেই হৈছে অশান্ত মন৷ দিনটোত পাৰ্যমানে মনটোক শান্ত কৰি ৰাখক আৰু প্ৰতিটো কাম ধীৰে-সুস্থিৰে কৰাৰ বাবে যত্মপৰ হওক৷ মনক শান্ত কৰি ৰখাৰ বাবে প্ৰাণায়াম আপোনাৰ বাবে অন্যতম সাৰথি হ’ব পাৰে৷

খঙৰ মুহূৰ্তবোৰত গভীৰ উশাহ লওক

যি মুহূৰ্ততে আপোনাৰ খং উঠে, তেতিয়া গভীৰ উশাহ লবলৈ যত্ন কৰক৷ চকু বন্ধ কৰি গভীৰ উশাহ লওক আৰু ধীৰে ধীৰে নিশাহ এৰি দিয়ক৷ ই আপোনাৰ মন-মগজু ক্ৰমাৎ শান্ত কৰি তুলিব৷ গভীৰ উশাহ মানসিক চাপ কমোৱাৰো অন্যতম উপায়৷

মেডিটেশ্যনৰ অভ্যাস গঢ়ি তোলক

দৈনিক মাত্ৰ ২০ মিনিটৰ মেডিটেশ্যনৰ অভ্যাসে আপোনাৰ খঙৰ ভাব কমোৱাত বহু পৰিমাণে সহায় কৰিব পাৰে৷ ইয়াৰ অভ্যাস গঢ়ি তোলক৷

Comments

লাহে লাহে তেওঁৰ প্ৰতি মোৰ আকৰ্ষণ বাঢ়ি আহিছিল

উচ্চতৰ মাধ্যমিকত নামভৰ্তি হোৱাৰ পাছত মই নজনাকৈয়ে পঢ়াৰ ধাউতি বাঢ়ি গৈছিল।…

আমাৰ নিঠৰ দেহ বিচাৰি নাপালেহেঁতেন

আন দহজনে নকৰা কিছু কাম কৰাৰ মন সৰুৰে পৰা আছিল যদিও সময়, সুবিধা…

সেই দিনটোৰ পৰা বিহু সন্মিলনলৈ যোৱা নাই

১৯৬৬ চনৰ কথা ৷ সেই সময়ত ড: ভূপেন হাজৰিকাৰ নাম চাৰিওফালে ৰজনজনাই আছিল…